“Сейсмология муаммолари” илмий журналида чоп этиладиган мақолаларга талаблар
I. Умумий қоидалар
«Сейсмология муаммолари» илмий журнали ўзбек, рус ва инглиз тилларида тайёрланган сейсмология, сейсмик районлаштириш ва сейсмик хавфни баҳолаш, зилзилаларни прогнозлаш, сейсмотектоника ва геодинамика, муҳандислик сейсмологияси илмий йўналишлари бўйича бажарилган назарий, амалий ва методологик ва экспериментал изланишлар натижаларини чоп этишга қаратилган. Шу билан бирга сейсмометрик ва сейсмопрогностик мониторинг натижаларини, техноген сейсмиклик муаммоларини ечишга қаратилган йирик илмий натижаларни, илмий анжуманлар натижаларига, илмий монографиялар таҳлилига қаратилган мақолаларни чоп этади. Чоп этишга тақдим этилган мақолалар журналнинг расмий талабларига жавоб бериши, холис тақриздан ўтиши ва таҳририят тавсиясини олиши лозим. Мақолани чоп этиш қарори келтирилган маълумотларнинг илмий аҳамияти, долзарблиги ва илмий асосланганлигига қараб қабул қилинади. Таҳририят томонидан маъқулланмаган мақолалар чоп этилмайди ва муаллифга қайтарилмайди. Мақола матни қуйидаги қисмлардан: мақола номи, муаллиф (муаллифлар) ҳақидаги маълумотлар, асосий қисм, ташаккур ва ҳаволалардан; асосий қисм: аннотация ва калит сўзлар (ўзбек, рус ва инглиз тилларида), кириш, изланишлар предмети ва объекти, бирламчи маълумотлар ва изланиш услублари, асосий натижалар, муҳокама ва хулосалардан ташкил топиши керак. Мақола матни эксперт хулосаси (раҳбар имзоси ва муҳр билан тасдиқланган ҳолда) билан бирга топширилади.
II. Мақолаларни расмийлаштиришга қўйиладиган талаблар
Сарлавха. Биринчи бетда универсал ўнлик код УДК (мақола номининг юқори чап бурчагида) кўрсатилиши керак. Имкон қадар сарлавҳада қисқартишлар ва формулалар бўлмаслиги керак. . Муаллифларнинг Ф.И.Ш., ишлайдиган ташкилот номи. Барча муаллифлар ҳақида тўлиқ маълумот келтирилиши шарт. Муаллифларнинг исми, фамилияси ва отасининг исми бош ҳарфлар билан ёзилади ва рақамли ҳавола орқали ишлаш жойлари, манзили аниқ келтирилади. Юлдузча орқали электрон манзил, ёки почта манзили кўрсатилади. Аннотация: Аннотацияда ишнинг мақсади, қўлланилган услублар ва асосий натижа қисқа ва тушунарли келтирилиши шарт. Ҳаволалар, ностандарт ва кам қўлланиладиган қисқартишлар ва бошқа тушунарсиз иборалар бўлмаслиги керак. Таянч сўзлар 5 тадан кам ва 15 тадан кўп бўлмаслиги ва ишга тааллуқли бўлиши керак. Умумий, ноаниқ атамалар ва тушунчалардан фойдаланиш тавсия этилмайди. Кириш қисмида кўрилаётган муаммонинг зарурати ва долзарблиги, ҳамда унинг сейсмология муаммоларини ҳал қилишдаги аҳамияти ёритилиши керак. Ишнинг мақсади, изланишлар услуб(лар)и, керакли манбаларга ҳаволалар, сўнгги йилларда чоп этилган ишлар ва уларнинг изоҳлари келтирилиши лозим. Изланиш предмети ва объектлари, маълумотлар базалари ва изланиш услублари. Изланиш ёки тажриба объектларининг табиий шароитлари, ишлатилаётган маълумотлар, услублар ва асосий натижалар қайд этилади. Олинган натижаларни асословчи омиллар, қўлланилган услубларга ҳаволалар келтирилади. Асосий натижалар: Изланишлар ёки тажрибалар натижалари келтирилади, натижаларни солиштиришда уларнинг мазмуни тушунтирилмайди. Натижалар аниқ ва қисқа бўлиши лозим. Муҳокама. Муҳокама қисмида олинган натижаларни асосланганлиги, муҳимлиги, қўйилган мақсадга йўналтирилганлиги ҳақидаги маълумотлар аввалги қисмни такрорламаган ҳолда келтирилади. Исботланиши режалаштирилган фаразлар тасдиқланганлиги ёки ишончлилиги камроқ бўлган фактлар билан тасдиқланганлиги ҳақидаги маълумотлар келтирилади. Ушбу йўналишда келгусида олиб борилиши керак бўлган изланишлар ҳақидаги таклифлар келтирилади. Хулоса. Ишнинг охирида изланиш натижасида олинган асосий илмий ёки амалий натижа аниқ ва қисқа ифода этилиш лозим. Ташаккурлар. Лозим бўлган ҳолларда мақолани тайёрлашга ёрдам берган, музокараларда қатнашиб тавсиялар берган инсонларга миннатдорчилик изҳор этишлари мумкин. Фойдаланилган адабиётлар: Мақолани тайёрлашда фойдаланилган адабиётлар рўйхати келтирилади. Мақола ҳавола қилинган ҳар бир адабиёт рўйхатда бўлишига алоҳида эътибор берилади.
III. Мақола матнига бўлган техник талаблар
Мақола матни стандарт А4 форматли қоғозга 1,5 интервалда жойлаштирилиши лозим. Ҳар бир бет қуйидагича: юқори ва пастдан 2 см, чапдан 3см, ўнгдан 1,5 см хошияга эга бўлиши керак, сўз боши тенг ўлчамли – 1,27 см бўлиши лозим. Матнни компьютер орқали ёзганда «Microsoft Word» матн муҳаррири, шрифт «Times New Roman» 14 кегль бўлиши таклиф этилади. Мақоланинг умумий хажми (фойдаланилган адабиётлар рўйхати, жадваллар ва расмлар билан) 16 бетдан ошмаслиги лозим. Ушбу хажмдан ортиб кетган мақолалар таҳририят хулосаси ва тавсиясига кўра чоп этилиши мумкин. Матнда келтирилган математик ифодалар мақола бўйича узлуксиз кетма-кетликда рақамланади. Матнда фақатгина ҳаволали ифодалар рақамланади. Рақамлар ифода келтирилаётган қаторнинг ўнг томонида қўйилади (1, 2 ва ҳоказо). Фойдаланилган адабиётлар рўйхати аввал ўзбек тилидаги (кирил алифбосида) ва рус тилидагилари, сўнгра инглиз тилида (ёки ўзбек тилида лотин алифбосида) келтирилади. Манбаларнинг библиографик маълумотлари қабул қилинган стандарт асосида, аввал алфавитлар тартибида, сўнгра хронологик тартибда шакллантирилади. Мақола матинида ҳаволалар квадрат қавсда муаллиф ва чоп этилган йил қўрсатилган ҳолда келтирилади. Бир нечта манбаалар аввалига хронологик тартибда сўнгра алфавит татибида қўйилиши керак [Иванов, 2007; Петров в.б., 2008; Сейсмология …, 2010]. Фойдаланилган адабиётлар рўйхатидан сўнг рус тилидаги (ёки ўзбек тилидаги) ва инглиз тилидаги аннотация ва калит сўзлар келтирилади. Сўнгра библиографияда келтирилган адабиётларнинг инглизча таржимаси ўзбек ва рус тилларида келтирилади. Таржимада фақат мақоланинг инглизча номи, адабиётдаги бошқа маълумотлар лотин графикасида тақдим этилади.
IV. Жадваллар, расмлар ва графикларнинг келтирилиши
Жадваллар А4 форматдаги стандарт қоғозда, қаторда 1,5 интервалда, «Microsoft Word» матн муҳарририда, «Times New Roman» 12 кегль шрифтида келтирилиши таклиф этилади. Жадваллар араб рақамлари билан рақамланиб жадвалнинг номи унинг тартиб рақамидан сўнг ёзилади. Жадвалдаги ҳар бир устун номланиши ва вертикал чизиқлар билан ажратилган бўлиши лозим. Расмларда кераксиз тафсилотлар, ёзувлардан фойдаланмаслик мақсадга мувофиқ (тафсилотларни расм номида ва матнда келтирилган рақамлар ёки ҳарфлар билан белгилаш тавсия этилади). Графиклардаги чизиқлар аниқ (5-6 пикселда) бўлиши керак. Графикларни тайёрлашда рақамлар ва ёзувлар «Times New Roman» 9-10 кегль да ёзилиши керак. Расмларнинг кенглиги -180 мм дан, баландлиги -240 ммдан ошмаслиги лозим. Расмларнинг номлари «Times New Roman» 12 кегль шрифти ва интервалда 1,5 қаторда келтириши керак. Яқин келажакда журнални халқаро маълумотлар базасида индекцияланган, РИНЦ ва Scopus каби, нуфузли журналлар қаторига киритиш режалаштирилган. Шунинг учун ўзбек тилидаги мақолаларда жадваллар, схемалар, расмлар ва графиклар номи рус ва инглиз тилида ёзилиши лозим (рус тилидаги мақолаларда – инглиз тилида).
V. Адабиётлар рўйхатини шакллантириш учун намуна
АДАБИЁТЛАР 1. Гвоздьев А.Г., Ефремов О.А., Данилчук М.Т. и др. О физических процессах в диэлектриках// Известия РАН, сер.физ.-тех.наук.- Москва,2003.- №10.-С.12-43. 2. Томпсон Р. Дифференциальные игры. - М: Мир- 1989.- т.2.- 347 с. 3. Ракилова А.П. О способе приблизительного решения некоторых сингулярных уравнений// Методы решения сингулярных уравнений - М: Наука.- 1976.- С. 185-192. 4.Назарова Н.А., Пак А.В., Иванова В.А. Сейсмотектонические условия возникновения сильных землетрясений // Труды Сибирского филиала Института Физики Земли, 2010. – Свердловск. Вып. 12(257). – С. 55-63. Электрон ресурс: EDB (Eurasian Development Bank): Impact of Climate Change to water resources in Central Asia, Almaty, Kazakhstan, 44 p. [Электронный ресурс] URL:http://www.vinokurov.info/assets/files/EDB%20Report%206%20climate%20eng.pdf, 2009 (дата обращения 20.01.2019).
VI. Плагиатга текшириш
«Сейсмология муаммолари» илмий журнали тақдим этилган қўлёзмани чоп этишдан олдин уни ўзига хослигини текшириб кўради. Қўлёзмани ушбу журналга муаллифлар қўлёзмани плагиатга текширилишига розили берадилар.
VII. Мақолани қабул қилиш тартиби
1. Барча маълумотлар электрон почта орқали қабул қилинади. 2. Муаллифлар билан алоқа электрон почта орқали амалга оширилади. 3. Илмий журналда чоп этиш учун тақдим этилган мақолалар тахририят томонидан экспертларга тақриз учун берилади. 4. Ижобий тақриз олган илмий мақолалар журналнинг навбатдаги сонида чоп этилади. 5. Камчиликлари мавжуд илмий мақолалар тақризчи изохлари билан муаллифга қайта ишлаш ва тўлдириш учун жўнатилади ва қайтадан чоп этиш учун рўйхатдан ўтказилади. 6. Илмий журнал йўналишига тўғри келмайдиган мақолалар чоп этилмайди ва муаллифга қайтарилмайди.
Манзил: Ўзбекистон, 100128, Тошкент ш., Зулфияхоним, 3 уй. Тел.: +998 71 242-51-70; +998 71 241-44-80 e-mail: seismologiya@mail.ru Масъул котиб: Нурматов Улфат Аманович